2017年1月22日 星期日

UberEATS的三多雞髀



三多的雞髀,由大埔的小店開始,發展到在其他區連開分店,可說是一個飲食界的奇跡。

上星期我在UberEATS的文章提到,三多成為UberEATS最熱門的食店,很多朋友試過憑它來叫三多的炸髀,雖然運送需時,但風味不減。

為了美味的炸雞髀,等多一會,付多一點也在所不惜,包括$20服務費。

這天公司飯堂的餸菜繼續不合我口味,唯有投靠UberEATS,不如,叫隻雞髀咬下?




身處尖沙咀,一樣可以叫三多外賣,因為紅磡有分店。

一直只吃其炸髀,今次就叫佢滷髀,配意粉,叫不叫爆珠檸茶?唔。。。三十多元一杯,幾貴,我飲水算吧。

由落單到送抵目的地,可能非繁忙時間,交通狀況良好,大約三十五分鐘左右。



拿出來的時候,還是熱辣辣,滷水雞髀的雞皮香甜惹味,皮下肉亦嫩滑,配上加了雜菜,蒜茸,醬油炒得鑊氣十足的意粉,風味更勝炸雞髀,後者配白汁,茄汁燴意粉為佳。

對於港式炒意粉,我是有份解不開的情意結,沒錯近年經常吃好東西,米芝蓮級數的意大利餐廳不乏機會光顧,甚麼松露意大利麵,手造麵,我怎會沒吃過?

作為港仔,小時候的口味,永遠是最純真的,長大之後,極力去保護這份碩果僅存的純真,每次到茶餐廳/冰室,不時來一碟茄牛燴意粉,熟我的朋友,也知道何文田的勝利冰室,其茄牛燴一直是我至愛。

無論世事常變,變幻原是永恆,我依然熱愛港式意粉,百吃不厭。就算你笑我cheap,都係咁話。

當然我不會經常叫UberEATS,畢竟公司包兩餐,慳得就慳,但辛苦搵來始終志在食,遇上飯堂餸菜不合我口胃,當早更的日子,人手比較充裕,我可以外出午餐,當中更,就要投靠UberEATS了。

所以話:(邊個話blogger係唔使做㗎?)

不久,我又要經UberEATS叫外賣,一碗小麵的三碗麵,加上其他小吃,用了我差不多$400,沒計啦,做人上司,間中都要請下屬,否則他們又怎會為我賣力做事?



沒有留言:

張貼留言